Related Posts
Category : Gujarat
નકલી દૂધ – કશું બાકી નથી રહ્યુ હવે નકલીમાં ,પોરબંદર જિલ્લામાંથી ભેળસેળયુક્ત દૂઘ બનાવનાર ઝડપાયો
પોરબંદર: કુતિયાણા તાલુકાના ટીમ્બી નેસ માંથી પોરબંદર LCBએ ગુપ્ત બાતમીના આધારે દરોડો પાડી આશરે 30 લીટર શંકાસ્પદ ભેળસેળયુક્ત દૂધ ઝડપી પાડ્યું છે. સાથે જ 75 કિલો સ્કીમ મિલ્ક પાઉડર અને પામોલીન તેલના 14 ડબ્બા સહિત દૂધમાં ભેળસેળ કરવા માટે વપરાતી સામગ્રી મળી આવી છે. ફૂડ સેફ્ટી વિભાગની ટીમે દૂધના સેમ્પલ લીધા બાદ સ્થળ પર જ શંકાસ્પદ દૂધનો નાશ કર્યો છે. આ ઘટનાથી જિલ્લામાં આરોગ્ય સાથે ચેડાં કરતા તત્વોમાં ફફડાટ ફેલાયો છે. કુતિયાણા પોલીસ સ્ટેશન વિસ્તારમાં આવેલા ટીમ્બી નેસ ગામના રબારીકેડા વિસ્તારમાં નકલી દૂધ બનાવવાના કારસાનો પોરબંદર LCBએ પર્દાફાશ કર્યો છે.
મળતી માહિતી મુજબ, ટીમ્બી નેસ ગામે જય માતાજી દૂધની ડેરી પાસે રહેતા સરમણ ગોગનભાઈ કોડીયાતર નામના વ્યક્તિ દ્વારા પોતાના રહેણાંક મકાનમાં નકલી દૂધ બનાવવાની પ્રવૃત્તિ ચાલી રહી છે. બાતમીના આધારે LCBની ટીમે ગત મોડી રાત્રે તેના રહેણાંક મકાનમાં તપાસ હાથ ધરી હતી. તપાસ દરમિયાન ઘરમાંથી આશરે 30 લીટર જેટલું શંકાસ્પદ ભેળસેળયુક્ત દૂધ મળી આવ્યું હતું.
Load more
